Itali, shqiptari arrestohet vetëm për 1 gr kokainë. Zbulohet mekanizmi i shpërndarjes së drogës

Janë dhjetë shitës droge që në kuadër të operacionit “Piazze Pulite” në Itali  përfunduan në pranga nga hestuesit e seksionit të narkotikëve të Kuesturës së Arezzo-s, njofton Arezzo Ora, citon Syri.net.

Që nga shtatori, prej këtij operacioni janë moniturar sheshet kryesore: Parku Pionta, zona Campo di Marte, salla Bingo në rrugën Spinello, zona Saione dhe rrugët Mecenate e Teofilo Torri.

Pas fazës së parë të vëzhgimit, u identifikuan grupet e të dyshuarve që merreshin me tregtinë e substancave të ndaluara.

Operacioni që u krye sipas “stilit të vjetër”, pa ndihmën e teknologjisë, pati efekt dhe çoi në arrestimin e dhjetë personave për shpërndarjen e drogës. U gjetën 11 750 euro që mendohet se kishin ardhur nga kjo veprimtari e paligjshme dhe u konfiskuan mbi 90 gr drogë të ndarë në 450 doza që do të sillte të ardhura rreth 9 mijë euro.

Në ndërhyrjen e parë, më 14 shtator 2016, në rrugën Pescaja u sekuestruan 24 gr kokainë dhe 235 euro dhe u arrestuan tre persona: Një nga Maroku, një nga Tunizia dhe nga Arezzo.

Më 10 tetor 2016 përfundoi në pranga një tunizian.

Arrestimi i fundit u bë në 18 nëntor 2016 dhe ishte një shpërndarës droge që kishte vetëm 1 gr kokanë dhe 350 euro në xhep! Ai ishte S.A. lindur në Shqipëri në vitin 1989 me precedent penalë për shpërndarje droge, grabitje dhe dhunë në familje, që figuronte si punëtor.

Dhe ky rasti i fundit duhet të analizohet për të kuptuar më mirë mekanizmat që fshihen pas tregut të drogës.

Ligjet aktuale në fakt nuk lejojnë arrestimin në flagrancë me përjashtim të rasteve kur shpërndarësi gjendet me sasi të madhe droge.

Ligjet djemtë e këqinj tani i njohin mjaft mirë dhe kjo tregon pse gjithnjë po shtohen rastet kur po kapen me sasira shumë të vogla.

Shumë pak doza gjithnjë gati dhe të ndara dhe kur shpërndarësi nuk është në gjendje t’i hedhë para se ta kapë policia, janë shumë pak për ta futur atë në birucë.

Rasti i fundit me vetëm 1 gr “pudër” do të ishte një prej atyre kur shpërndarësi nuk duhej arrestuar, por ama ai ia kishte shitur tërë sasinë një blerësi, ndaj dhe prokuroria ranë dakord me hetuesit për arrestimin e tij.