John McCain paralajmëron Trump-in: Putin një tiran dhe vrasës, mos i beso

Ish-kundërshari republikan i Obamas në vitin 2008, John McCain, ka paralajmëruar presidentin e zgjedhur amerikan, Donald Trump, mos t’i besojë Presidentit rus, Vladimir Putin,  raporton “Business Insider”.

“Ndërkohë që Trump ka nisur kalimin e pushtetit presidencial, Putin ditët e fundit,  ka deklaruar se dëshiron te përmirësojë marrëdhëniet mes Rusisë dhe Shteteve të Bashkuara”, ka thënë McCain, një prej figurave më të larta të Partisë Republikane, nëpërmjet një komunikate.

“Ne duhet t’iu besojmë këtyre deklaratave ashtu sic nuk i kemi besuar deklaratave të tjera të bëra nga ish-agjenti i KGB-së. Ai ka zhytur vendin e tij në tirani, ka vrarë kundërshtarët e tij politikë, ka pushtuar fqinjët e tij, ka kërcënuar aleatët e Amerikës, dhe është munduar t’i manipulojë zgjedhjet e Amerikës”, është shprehur McCain.

Putin është rreshtuar përkrah presidentit sirian, Bashar al-Assad, “në një luftë barbare kundër popullit sirian”, ka shtuar senatori iArizonës.

“Përpjekja e fundit e administratës Obama për ‘rifillimin’ e marrëdhënieve me Rusinë ka përfunduar me pushtimin e Ukrainës nga Putin dhe me ndërhyrjen ushtarake në Lindjen e Mesme”, ka thënë McCain.