Kandidati për kryetar komune tall Kadri Veselin: Hajde të mjelim buallicat, jo qytetarët

Kandidati i pavarur për komunën e Drenasit në Kosovë, Xhavit Drenori, ka akuzuar PDK-në për një varg parregullsish në këtë komunë e për të cilat i drejtohet në radhë të parë kryetarit të asaj partie, Kadri Veselit, që po bën fushatën për kandidatin e vet.

“Z. Veseli, hajdeni e mjelim buallicën e jo më qytetarët e Drenasit”, ka shkruar Drenori në Fb, sipas Koha.net.

“Boll ma! 17 vite Drenasi u shfrytëzu si plaçkë nga shumë shokë të Juaj duke shkelur besimin dhe përkrahjen e qytetarëve. Ferronikeli- nga 900 punëtorë, vetëm rreth 500 i ka nga Drenasi. Tymin, pluhurin e besa edhe helmin e thithin vetëm qytetarët e Drenasit. Gurthyesit që operojnë në komunën e Drenasit janë me shumë defekte ligjore. Zyrtarë komunal në drejtorinë e urbanizmit që ashiqare i shesin lejet ndërtimore.

Rrugë, kanalizime të ndërtuara me cilësi jashtë çdo standardi të lejuar nga firma (operatorë ekonomik) në lidhje të ngushtë familjare apo klientelë me politikën. Kulmi i së keqës – angazhimi i mësimdhënësve me diploma falso! Boll ma o burrë i dheut!”