Kaos në Kuvend/ Rama çohet të marrë fjalën, Noka: “Harroje, këtu flet vetëm Sali Berisha”. Ndërpritet seanca

TIRANE- Sërish tensione në sallën e Kuvendit. Sapo nënkryetarja e Kuvendit, Valentina Leksaj i dha fjalën kryeministrit Edi Rama, opozita është ngritur në këmbë dhe i është afruar foltores.

Deputeti Flamur Noka ka kundërshtuar që të flasë Rama, duke i zënë vendin në foltore. Leskaj i është lutur që t’i lërë vendin Ramës, por ai nuk është bindur urdhrit, duke thënë se: “Harroje, nuk do fjalë. Këtu flet vetëm Sali Berisha”. Nisur nga klima e krijuar në sallë, Leskaj ka njoftuar për një ndërprerje të seancës për 5 minuta, për të rifilluar sërish.

Brenda një harku kohor të shkurtër, kjo është hera e dytë që ndërpritet seanca, pasi deputetët përplasen para foltores për shkak të radhës për të mbajtur fjalimin.
(vijon)