Kapen 700 kg drogë në kamionin me mallra në Durrës. Arrestohet shoferi

Autoritetet doganore në Portin e Durrësit evidentuan mbrëmjen e së dielës, gjatë procesit të skanimit, një sasi prej afro 700 kilogramë lëndë narkotike e dyshuar Cannabis Sattiva.

Lënda narkotike ishte fshehur në mjetin me targë AA 475 LO, i cili drejtohej nga shtetasi L.S. dhe ishte me ngarkesë mallrash të subjekteve fason, me destinacion Italinë.

Fillimisht, mjeti u kanalizua me risk nga struktura e monitorimit në doganë dhe u kërkuar skanimi i tij.

Gjatë skanimit rezultoi se mjeti kishte ngarkesë të dyshimtë, ndërsa më pas, gjatë kontrollit fizik u evidentua edhe sasia e lëndës narkotike.

Autoritet policore kryen arrestimin e drejtuesit të mjetit dhe po vijojnë me hetime të mëtejshme.