Me kë do bëjë koalicion Ben Blushi në zgjedhjet e 2017? Ja si përgjigjet Hafizi

Deputetja e partisë më te re në vend “LIBRA”, Mimoza Hafizi deklaroi se kauza e partisë LIBRA është minimumi jetik.

“Minimumi jetik nuk njihet vetëm në vendin tonë. Minimumi jetik është tregues i politikave, tregues me rëndësi, betejë kundër papunësisë. Beteja jonë është njohja e këtij minimumi. Kjo është kauza jonë, për ta njohur. Duhet të debatohet në Kuvend”, ka thënë Hafizi për news 24.

Më tej, Hafizi ka folur dhe për koalicionin e mundshëm të LIBRA-s në zgjedhjet e vitit 2017. Sipas deputetes, ky vendim i përket anëtarësisë së partisë.

“LIBRA, shprehje e një dufi, për të ndryshuar realitetin politik shqiptar. Vendimi për koaliçion në zgjedhjet e 2017 do të jetë i anëtarësisë. LIBRA është e distançuar nga partitë e vjetra. Buxhetin do e shohim si opozitë”, ka shtuar ajo.