Kërkohej nga Finlanda për mashtrim, arrestohet në Morinë kosovari

Policia e Kukësit ka vënë në pranga një shtetas kosovar të shpallur në kërkim ndërkombëtar.

Specialistët e Policisë Kufitare Morinë-Kukës, bënë dje arrestimin e shtetasit Bujar Fejzullahi, 26 vjeç, banues në Mitrovicë-Kosovë, pasi gjatë regjistrimit në hyrje të stacionit PKM Morinë-Kukës, rezultoi si shtetas ‘’i shpallur në kërkim ndërkombëtar’’, nga autoritetet finlandeze, për veprën penale”Mashtrim me pasoja të rënda”.

Gjithashtu, Gjykata e Apelit të Helsinkit, me vendim Nr.R 11/305, e ka dënuar me 1 vit e 3 muaj burgim, për veprën penale “Dhunim personi”.
Materialet proceduriale i kaluan për veprime të mëtejshme, Prokurorisë së Rrethit Gjyqësor Kukës.