Këta janë dy kandidatët që Trump po i konsideron seriozisht për sekretar të shtetit dhe sekretar të mbrojtjes

Mitt Romney është kandidat serioz për t’u bërë sekretar i ardhshëm i shtetit, ndërsa gjeneral i pensionuar i Korpusit të Marinës Amerikan, James Mattis, ka shumë gjasa të emërohet sekretar i mbrojtjes, sipas Mike Pence, numrit dy të presidentit të sapo zgjedhur amerikan, Donald Trump.

“Romney është nën konsideratë aktive dhe seriozes për të shërbyer si sekretar i shtetit i Shteteve të Bashkuara,” ka thënë Pence, zëvendës-presidenti i sapo zgjedhur amerikan, i cili është duke e udhëhequr kërkimin për anëtarë të kabinetit të Trumpit, transmeton Express.

Ai këto komente i bëri sot gjatë një interviste me CBS.

Këto komente e kanë bërë të qartë se takimi i djeshëm i Trumpit me Romney ishte më shumë se një paraqitje publike pas mosmarrëveshjeve dhe ofendimeve në mes tyre gjatë fushatës zgjedhore.

Romney e kishte kritikuar Trumpin gjatë fushatës.

Ndërkohë, Trump u takua edhe me gjeneralin James Mattis, disa orë pas takimit me Romney./Express/