Kodheli viziton sot Forcën e Sigurisë së Kosovës

Ministrja e Mbrojtjes së Shqipërisë, Mimi Kodheli, do të vizitojë sot Ministrinë e Forcës së Sigurisë së Kosovës, ku do të pritet nga homologu i saj, Haki Demolli.

Sipas një njoftimi për media të MFSK-së, pas këtij takimi do të vazhdohet me një takim bilateral mes dy delegacioneve, ku më pas dy ministrat do t’i drejtohen mediave.

Ministrja Kodheli ka shkuar dje në Kosovë, ku mori pjesë në Kuvendin Komunal të Gjilanit, i cili mbajti një seancë solemne për nder të 28 Nëntorit – Ditës së Flamurit. Ajo shoqërohej nga ambasadori Qemajl Minxhozi dhe mbajti një fjalë rasti para anëtarëve të asamblesë në komunën e Gjilanit/Atsh