Kokëdhima sfidë Ramës: Do të krijoj lëvizje brenda PS-së

Ish-­deputeti i Partisë Socialiste, Koço Kokëdhima ka bërë një krahasim me atë që ndodhi në zgjedhjet Presidenciale në SHBA me Shqipërinë.

Kokëdhima, i ftuar në emisionin “Studio e Hapur” në News24, tha se në vendin tonë ka një hendek të madh mes establishmentit dhe qytetarëve.

“Kush i përfaqëson të papunës, viktimat e drejtësisë, ata që përballën me arrogancën e zyrtarëve, të përmbyturit, familjet që nuk kanë mundësi që të bëjnë qoftë një festë familjare në vit”, tha Kokëdhima.

Ish ­deputeti i PS­së Kokëdhima deklaroi se do të krijojë një lëvizje brenda PS­së për ta reformuar atë dhe për të ndryshuar rregullat e përzgjedhjes së deputetëve.

“Do të krijoj lëvizje brenda PS­së që synon reformimin e PS­së që përfaqësuesit e partisë si zgjedhin anëtarët e partisë. Gjithashtu, Kokëdhima u shpreh se ai nuk mbështet Ramën në idenë e përfshirjes së Xhorxh Sorosit në jetën publike në Shqipëri dhe në reformën e drejtësisë.

“Është e rrezikshme që të përziet fondacioni i Sorosit në ambiciet e Shqipërisë”, u shpreh Kokëdhima.

“Soros nuk duhet te perzihet ne ndikime politike”.

Ish­deputeti i PS­së u shpreh se Donald Trump edhe pse luftoi kundër të gjithëve, bëri për vete njerëzit e pa përfaqësuar.

“Kjo revoltë anti establishment do të gjejë vend në Shqipëri?”, shtoi Kokëdhima.