Kukësit i anulohen 2 gola, ndeshja ndahet me barazim ndaj Tiranës

Nuk ka fitues ndeshja e madhe e javës së 12-të të Kategorisë Superiore. Në Kukës, vendasit u ndalën në një barazim pa gola përballë Tiranës.

Sfida në “Zeqir Ymeri” u luajt me ritëm të lartë nga minuta e parë deri në të fundit. Pjesa e parë ishte e barabartë, kurse pas pushimit vendasit u treguan më këmbëngulës. Kukësit iu anuluan edhe dy gola, ndërsa në krahun tjetër kryeqytetasit ishin të kujdesshëm të mos pvsonin, duke u përpjekur të shfrytëzonin mundësitë e krijuara.

Me këtë barazim Kukësi e humb bashkëkryesimin me Skënderbeun, që shkëputet +2. Kurse Tirana ngjitet në kuotën e 21 pikëve, duke parakaluar përkohësisht Partizanin.