“Kurc erdhi në Maqedoni për të përkrahur robëruesit e shtetit”

Ish-zëvendësministri i Jashtëm dhe ish-ambasador i Maqedonisë në SHBA dhe në Holandë Nikolla Dimitrov ka komentuar skandalin e pjesëmarrjes së shefit të diplomacisë austriake Sebastian Kurc në mitingun e VMRO-DPMNE-së së Nikolla Gruevskit.

“Komisioni Evropian thotë se Maqedonia është një vend i robëruar. Ministri austriak Kurc erdhi në Shkup që t`u japë përkrahje robëruesve. Mos t’ju habisë. Përkrahja për zgjerimin në Austri është më e ulëta në Evropë – 71 % janë kundër. Dukshëm i konvenon që Maqedonia asnjëherë të mos i trokasë në derë. Do të përkrahin autokratë, dhe pastaj do të thonë se nuk ka demokraci të mjaftueshme, drejtësi dhe luftë kundër krimit dhe korrupsionit të organizuar që të nisin bisedimet.

Për gjithçka tjetër i duhemi. Të jemi autoritarë, të varfër dhe një mbrojtje e gërditshme nga refugjatët, një zonë e zezë ku do të sundojë korrupsioni, përderisa të rinjtë po shpërngulen në Evropë”, shkroi Dimitrov në Facebook.