Lady Diana, fustanet e saj në një ekspozitë për të përkujtuar 20 vjetorin e vdekjes

Pritje e madhe për hapjen e ekspozitës “Diana: Her Fashion Story”, e dëshiruar shumë nga djemtë e saj William dhe Harry, në 24 shkurt 2017, që i hap rrugën shumë iniciativave për të kujtuar jetën e princeshës 20 vjet nga vdekja.

Falë revolucionit të stilit që Lady Diana i solli Monarkisë, sot Kate Middleton mund të veshë funde e fustane mbi gju ose e dashura e Harry, Markle, mund të ecë më High Street Kensington me xhinse të grisura, shkruan revista italiane “Donna Moderna”.

Dhe pikërisht për këtë nuk ka shembull më të mirë sesa përurimi i ekspozitës në 24 shkurt në sallat e asaj qe ishte rezidenca zyrtare e saj, Kensington Palace.

Ekspozita e shumëpritur e fustaneve të princeshës “Diana: Her Fashion Story” do t’i hapë rrugë iniciativave që do të përkujtojnë jetën e saj, 20 vjet pas vdekjes tragjike: ishte 31 gusht 1997 kur sapo kishte bërë 36 vjeç, humbi jetën në një aksident automobilistik në tunelin parizien të Alma-s.

Ekspozitën me fustanet e veshur nga princesha Diana e dëshironin shumë dy djemtë e saj William dhe Harry.
Fustanet e zgjedhur janë që prej daljes në fillim në shoqëri, deri tek muajt e fundit të jetës së saj duke shënuar një stil unik (dhe revolucionar për atë kohë) dhe të patjetërsueshëm që shenjoi Shtëpinë Mbretërore përgjithomnë.

Fillon me fustanet me mëngë të fryra të viteve ’80, tek fustanet me një sup jashtë, ose ato bust me shpatullat e zhveshura, deri tek ato për mbrëmje me kurrizin jashtë të viteve të fundit të jetës së saj. Më pas ndjekja e një stili që edhe falë Lady Diana bënë historinë e modës nga Catherine Walker tek Christian Dior, nga Victor Eldestein tek Versace, nga Emanuel tek Giorgio Armani.

Nga 26 fustanet e paharrueshme të ekspozuar, pesë janë në pronësi të Historic Palace Houses, fondit të bamirësisë që kujdeset për pallatin mbretëror të Elisabetta II, ndërsa 21 të tjerë i përkasin koleksionistëve privatë të muzeumeve të shpërndarë në të gjithë botën./k.s/