Lëkundje sizmike ne një minierë në Poloni dy të vdekur, gjashtë të zhdukur

VARSHAVË-Një lëkundje e fortë sizmike u regjistrua dje në mbrëmje në një minierë të madhe bakri në Poloni, ku për pasojë humbën jetën 2 persona, ndërsa 6 rezultojnë ende të zhdukur. Lajmi është bërë i ditur nga grupi KGHM.

“Dy trupa të pajetë janë gjetur në zonën e prekur ndërsa vijojnë kërkimet”, tha për median një zëdhënëse e KGHM-së, Anna Osadczuk. Ndërkohë, pesë minatorë të plagosur u drejtuan në qendrat spitalore, ndërsa janë jashtë rrezikut për jetën.

Sakaq, epiqendra e tërmetit u regjistrua në një thellësi rreth 1.500 metra ne minierën Rudna në Polkoëice në Silesia (jugperëndim), një nga minierat më të mëdha të bakrit në botë. Miniera numëron 11 puse rreth një kilometër të thellë. Prodhimi vjetor përllogaritet rreth 12 milionë ton mineral dhe miniera ka të punësuar më shumë se 4.400 persona.