Lëvizja për Bashkim uron 28 Nëntorin, thotë se sdo të ndalen deri në bashkimin kombëtar

Lëvizja për Bashkim ka uruar të gjithë shqiptarët në prag të festës së 28 nëntorit, ditës së shpalljes së pavarësisë së Shqipërisë.

Në komunikatën për media LB shkruan se nuk do të ndalen “deri sa programi për mirëqenie ekonomike e bashkim kombëtar të institucionalizohet e jetësohet deri në fund”.

Kryetari i kësaj Lëvizje, Valon Murati në këtë festë të shqiptarëve ka bërë thirrje për tolerancë e unitet.

“Në emrin tim personal dhe në emër të Lëvizjes për Bashkim u bëj thirrje të gjithë bashkëkombësve tanë për dashuri, tolerancë, harmoni dhe unitet midis nesh në rrugën tonë të madhe drejt realizimit të qëllimit madhor”.