Lubonja: Ekonomia jonë kriminale, nga piramidat tek hashashi

Analisti Fatos Lubonja tha se ekonomia shqiptare është kriminale dhe ka kaluar nga piramidat tek hashashi.

“Të paekspozuarit” solli sot një paralele mes piramidave dhe asaj çfarë ndodhi në Shqipëri pas rënies së tyre dhe hashashit sot dhe asaj çfarë mund të ndodh në të ardhmen.

Lubonja paralajmëroi pasoja shkatërrimtare për shoqërinë.

Politika edhe sot edhe gjithë ditën është shprehje e ekonomisë. E koncentruar thoshte dikur Lenini. Politika shpreh ekonominë në kuptimin që ai që ka paratë, ndikon politikat për interesin e tij. Tek ne problemi është ky, për fat të keq ekonomia jonë është kriminale. Ishim tek piramidat, erdhëm tek hashashi. Kjo ekonomi nuk është thjesht se dështoi. Flluska për mua këtu është më e tmerrshme. Kur gjithë shoqëria jeton me kanabis, imagjino se çfarë edukimi ka rinia?! Kur njeriu reduktohet në një trafikant dhe punonjës toke për të mbjellë kanabis, varfërimi i shoqërisë, kapitali njerëzor është shkatërrimtar. Për të mos thënë këtu që kjo shoqërohet me krimin. E gjithë shoqëria ka një degjenerim total. Vijmë tek vullneti politik. A është vullneti politik kur janë ata në krye të politikës?!”, deklaroi Lubonja.

Burimi: BalkanWeb