Maradona kujton ‘dashurinë e vjetër’: Davor Shuker-in e dua edhe sot

Diego Maradona u takua sot në Zagreb me krerët e Federatës së Futbollit të Kroacisë (HNS), njoftoi HNS përmes një deklarate.

“Me rastin e finales në Kupën Davis ndërmjet Kroacisë dhe Argjentinës, i famshmi Maradona arriti në kryeqytetin kroat, dhe me këtë rast ai u takua me delegacionin e Federatës Kroate të Futbollit, me anëtarin Ante Çaçiç, drejtorin ekzekutiv Damir Vërbanoviç dhe Këshilltarin e lartë të Presidentit Zorisllav Srebriç”, theksohet në deklaratën e HNS-së.

Trajneri Çaçiç i dhuroi Maradona-s fanellën e përfaqësueses kroate të futbollit me emrin e Davor Shuker, presidentit të HNS-së dhe golashënuesit më të popullarizuar, me të cilën argjentinasi ka luajtur në Sevilla.

“Në mënyrë të veçantë do të doja të falënderoj Maradona-n për fjalët e mira për përfaqësuesen kroate gjatë Kampionatit Evropian në Francë”, shtoi ai.

Ndwrsa, Maradona tha se: Davor Shuker-in e dua edhe sot.