Masakrohet roja i karburantit nga dy grabitës të armatosur (VIDEO)

Dy persona të maskuar dhe të armatosur kanë grabitur një pikë karburanti në Dajç, në aksin Lezhë-Shkodër. Autorët ende të paidentifikuar janë përleshur edhe me rojën e karburantit, të cilin e kanë qëlluar me sende të forta.

Ngjarja ka ndodhur gjatë natës, ndërsa gjatë përleshjes me grabitësit ka mbetur i plagosur punonjësi i karburantit, Lekë Përkeçi.

Ai është dërguar me urgjencë në spital, me kokën të mbuluar me gjak.

Dy grabitësit e maskuar mësohet se pasi e plagosën rojën, kanë grabitur edhe një sasi parash dhe janë larguar me shpejtësi. Policia po punon për identifikimin dhe kapjen e tyre.