Mbërrin e vdekur në urgjencë, familjarët shkatërrojnë spitalin

Mjekët dhe infermierët e një spitali në qytetin e Acerra-s, afër Napolit janë tronditur një ditë më parë dhe kanë përjetuar momente paniku, kur familjarët e një gruaje që mbërriti e vdekur në urgjencë humbën kontrollin dhe shkaktuan dëme të mëdha në institucionin shëndetësor.

Mediet lokale raportojnë se gruaja kishte vdekur për shkaqe natyrale dhe në momentin e mbërritjes në urgjencë ata mundën të konstatonin vetëm se ishte ndarë nga jeta.

Familjarët e saj, djemtë dhe të afërmit, dolën jashtë kontrollit dhe nisën të shkatërronin gjithçka, ndërsa mjekët po mundoheshin t’i jepnin ndihmën e parë dy pacientëve të mbërritur me urgjencë në spital.

Ndërsa karabinierët mbërritën në spital, mjekët dhe infermierët qëndronin të mbyllur nëpër dhoma për t’i shpëtuar dhunës së pakontrolluar të familjarëve.

Drejtori i spitalit kërkoi ndërtimin e një kordoni sigurie, për të evituar në të ardhmen episode të ngjashme./durreslajm