Mbyllja e Call Center-ave/ Salianji: Rama shkon në Itali jo për të negociuar, por për pushime

Në 6 dhjetor pritet që Senati Italian të miratojë një ligj, që shtrëngon kushtet për zhvendosjen e kompanive Call Center në një territor jo të Bashkimit Europian, i cili rrezikon të mbyllë të gjithë kompanitë Call Center në Shqipëri. Këto amendime u miratuan në 24 nëntor në mbrëmje në Dhomën e Deputetëve dhe nëse kalohen nga Senati marrin formën përfundimtare.
Këto ndryshime ligjore kanë alarmuar drejtuesit e kompanive shqiptare, që po lobojnë kundra tyre që nga muaji janar kur dhe ato janë hedhur në diskutim. Për këtë ka reaguar edhe Partia Demokratike nëpërmjet Ervin Salianjit.

Sekretar per Aksionin Qytetar ne PD thotë se janë “847 kompani dhe me shumè se 25.000 të rinj të punësuar në Call Center-a rrezikojnë të dalin të papunë për shkak të një projekt-ligji të Qeverisë Italiane, për të mbrojtur punësimin në Itali,  i cili synon  të  ndalojë kompanitë italiane të call centër të operojnë jashtë vendeve jo-anëtarë të BE”.

Salijani deklaron se ftkeqësisht kjo është mënyra që krijon punë për shqiptarët. Ai po ashtu ka kritikuar kryeministrin Rama se shkon në Itali, jo për tu marr me këtë cështje që të parandaloj këto dëme, por  për pushime

“Mijëra të rinj shqiptarë, qofshin studentë apo  emigrantë të kthyer , ndonëse nuk e kanë zgjedhje të parë të punojnë në call center, janë në ankth për vendet e punës, për të ardhmen e tyre dhe jetësën tyre në Shqipëri. Kjo sepse  call center, mbetet fatkeqësisht e vetmja industri që krijon vende pune përveç plantacioneve të kanabisit. Pikërisht në këto kushte Rama shkon në Itali jo për të reaguar ndaj këtij fakti, por për pushime. Rama nuk bën të ditur asnjë axhendë për negocimin  me çdo kusht dhe me çdo mënyrë  me Qeverinë Italiane, që të parandalojë këtë dëm apo ta reduktojë atë duke gjetur  forma për të mbrojtur qytetarët e pashpresë, që e kanë këtë të vetmen  mundësi jetese”, shprehet Salianji..

Sipas Salijanit kjo reformë heq nga Shqipëria 25 mijë vende pune. Më tej Salijani i bën apel kryeministrit Rama që të ndërmar masat për parandalimin e këtij dëmi kolosal.

“Në detyrën e kryeminsitrit të vendit,  një vendi që po i emigrojnë qindra mijëra se nuk kanë punë, ndërsa ky ligj i heq dhe 25 mijë vende të tjera të punës, shfaqet emergjente të ulet në bisedime me palën italiane, në mënyrë që  Shqipëria të mos preket nga ky ligj ose që ligji të mos ketë fuqi prapavepruese dhe të mos prekë asnjë kompani që tashmë është prezente në Shqipëri

Në përgjigje edhe të kërkesës së dhomave përfaqësuese të këtyre bizneseve të cilat figurojnë  sipas të dhënave zyrtare se kanë më shume se 25.000 të punësuar, Rama duhet të ndërmarrë hapat  menjëhershëm për ndalimin e këtij dëmi kolosal për familjet e shqiptarëve pa asnjë rrugë tjetër, që në këto kushte  rrugë të vetme të dalin në rrugë”, ka deklaruar Salianji.