Mediu: Opozita naive nëse hyn në zgjedhje të paracaktuara

 

Për kryetarin e Partisë Republikan, Fatmir Mediu nëse opozita bëhet naive dhe shkon në një proces zgjedhur të paracaktuar dhe me këtë qeveri, kjo do të jetë katastrofale.

Në studion e lajmeve në Ora News Mediu u shpreh se nuk ka rëndësi data e zgjedhje, por rëndësi për një proces të lirë dhe të ndershëm.

Mediu: Për mua nuk ka rëndësi kur është data e zgjedhjeve, e rëndësishme është të kemi zgjedhje të lira dhe të ndershme. Nëse opozita do të jetë naive që të shkojë në një proces zgjedhor të paracaktuar dhe me një qeverisje që ka vullnetin për të manipuluar zgjedhjet, të shkojë me të në zgjedhje kjo do të ishte katastrofale jo për opozitën, jo për fatin politikës të së djathtës, por fatin e qytetarëve shqiptarë.

Aleati kryesor i Lulzim Bashës tha se opozita duhet të kishte bërë betejë më të madhe që reforma në drejtësi të bëhej paralelisht me reformën zgjedhore.  Mediu vlerësoi deputetin Bashkim Fino, por tha se reforma zgjedhore nuk ishte një çështje e tij më shumë sesa vullneti i Qeverisë për të mos bërë këtë reformë.

Mediu: Pa dyshim që opozita duhet të kishte luajtur të gjitha mekanizmat. Për mua e kam thënë edhe më parë që reforma primare dhe këtë e kam thënë që në qershor, më shumë sesa reforma në drejtësi është reforma zgjedhore. Burimi i shtetit të së drejtës është e drejta e qytetarit për të vendosur.

Opozita duhet të kishte bërë nje betejë shumë më të madhe që në mënyrë paralele të kishte reformën në drejtësi por edhe reformën zgjedhore. Në fakt e bëmë këtë presion dhe arritëm që u krijua komisioni dhe kemi sjellë propozimet konkrete dhe draftet parlamentare.

Unë kam vlerësuar dhe vlerësoj zotin Fino, e kam thënë dhe e them me sinqeritet ka qenë një nga deputetet shumë seriozë në angazhimin e tij dhe pozicionin e kryetarit, por unë nuk mendoj se ka qenë çështje vetëm e zotit Fino për problemin seç ka qenë e vullnetit të kryeministrit apo qeverisë dhe të mazhorancës për të mos bërë reformë zgjedhore.

Mediu: Qeveria s’ka vullnet për zgjedhje të lira

Sipas Mediut, çdo zgjedhje që dikton një qeverisje për zgjedhje të lira dhe të ndershme. Ai tha se askush nuk beson se kjo qeveri ka vullnet për zgjedhje të lira dhe të ndershme.

Mediu: Çdo lloj zgjedhje për të diktuar një qeverisje që garanton zgjedhje të lira dhe të ndershme. Nuk di të ketë sot në ambientin politik shqiptar edhe brenda të majtës, por sidomos në të djathtën që të besojë se kjo qeverisje mund të garnatojë zgjedhje të lira dhe të ndershme, që nuk e fut dorën në kutitë e votimit, nuk krijon marrëdhënie me grupet kriminale, nuk krijon marrëdhënie me qarqe korrupotive për të manipuluar procesin zgjedhore.

Mediu: KQZ e politizuar

Mediu: KQZ në mënyrë të padiskutuar që është i politizuar, edhe vetë PS thotë që është i politizuar, as që ka diskutim që është i politizuar. Drejtoria e pastrimit të parave është jashtë influencës së qeverisë? Nuk është jashtë influencës së qeverisë. Pra të gjitha këto institucione kanë një influencë qeveritare përsa kohë zgjedhja e tyre është bërë me mazhorancë qeveritare. Në këtë pikëpamje të thuash që ata të kontrollojne shpenzimet dhe financat e fushatës.

Mediu: Opozita duhet të ketë një përcaktim të qartë për hapat që do ndjekë

Mediu: Ne kemi një parlament jo funksional nga pikëpamja kushtetuese, kemi një gjyqësor tërësisht të shpartalluar, kemi një qeverisje që komandohet jo nga ligji por nga interesa të ndryshme dhe kemi një qeverisje që shkon pas interesave të grupeve të caktuara dhe jo interesave të qytetarëve shqiptarë dhe unë mendoj se nuk do kemi një proces zgjedhor të lirë dhe të ndershëm në Shqipëri. Prandaj unë mendoj që opozita të ketë në axhendën dhe programin e vet një përcaktim të qartë për hapat që duhet të ndjekë për të arritur që të kemi zgjedhje të lira dhe të ndershme. Këtë beteje ne  e kemi bërë  dhe në vitin 2001 kur janë manipuluar zgjedhjet derisa mundësuam zgjedhje të lira dhe të ndershme.

Listat e hapura

Mediu: Kjo ka qenë një cështje që e kemi diskutuar në 2008. Une kam votuar kundër kodit zgjedhor në atë kohë. Me bindjen që ky kod i jepte autoritet, kontroll dhe një sistem do të thosha vendimmarrje që nuk varej nga qytetarët. Listat e hapura krijojnë një mundësi që qytetarët të votojnë për partitë politike, por të votojnë edhe për individin brenda partive politike, që ata mendojnë se është individi që i përfaqëson më mirë.

PS e ka sistemin e garës, e zhvillon këtë nëpëmjet pushtetit dhe hierarkisë së pushtetit. Opozita duhet ta bente sepse mendoj se duhet të rivitalizonte të gjthë strukturën e saj nga pikëpamja elektorale duke i dhënë mundësi çdo individi që të është në garë për të fituar dhe kjo do ishte e dobishme për opozitën. Megjithatë këtu ndajmë pikëpamje nga më të ndryshme.