Mercedesi i Gruevskit “arriti” në Kriva Pallanka

Aktivistë të shoqërisë civile organizuan dje në Kriva Pallanka një aksion gueril, që kishte për qëllim t’u tregojë qytetarëve se çka mund të bëhet me 600.000 euro para të popullit, para këto me të cilat, në vend që pushteti të bëjë luks me një makinë super të shtrenjtë të blerë në tender të kurdisur, mund të rihapej miniera Toranica në të cilën punonin 500 veta.

Në qendër të qytetit ishte vendosur një improvizim i automobilit “Mercedes” për të cilin nga xhirimet që i publikoi opozita mësohet se bëhet fjalë për veturë që kushton 600.000 euro dhe që Ministria e Punëve të Brendshme e ka blerë me urdhër të kryeministrit të atëhershëm Nikolla Gruevski.

Siç shihet nga fotografitë e publikuara nga makfax, “makina” e Gruevskit shkaktoi interesim te kalimtarët.