Merkel kërkon mbylljen përfundimtare të negociatave me Turqinë

Kancelarja gjermane Angela Merkel është kundër nisjes së negociatave të reja me Turqinë. Lajmi vjen nga gazeta gjermane Bild, ku sipas saj citohen anëtarë të partisë Kristian Demorate.

Në një mbledhje të partisë së saj një ditë më parë, Merkel u ka kërkuar anëtarëve konservatorë që t’i jepet fund përgjithmonë negociatave me Turqinë. Reagimi i kancelares Merkel vjen një javë pas kërcënimit që presidenti turk i bëri Bashkimit Evropian me hapjen e kufijve për emigrantët.

Javën e kaluar Parlamenti Evropian votoi me 279 vota pro dhe 37 kundër mbylljes së përkohshme të negociatave me Turqinë si pasojë e reagimeve të qeverisë turke pas grushtit të dështuar të shtetit.

Që nga 15 korriku, më shumë se 100 mijë persona janë arrestuar dhe larguar, përfshirë ushtarakë, akademikë, gjykatës, gazetarë apo lider kurdë.