‘Mirdita në krizë të thellë, Edi Rama jep miliona euro për fasadat e qendrës’

Deputetja demokrate Albina Deda ka hedhur poshtë deklaratat pompoze të Kryeministrit Rama nga Mirdita duke folur nga periferitë e kësaj bashkie.

“Në kohën kur fshatra dhe komunitete në Mirditë janë të izoluara,- tha Deda, – me rrugë të prishura dhe pa energji, në varferi e skamje, Edi Rama bën propagandë me fasada dhe jep 1.7 milionë euro për qendrën e qytetit.

Nuk është aspak normale që të investohen për Qendrën e qytetit të Rrëshenit 1.7 milion euro në një kohë që të gjitha Njësitë Administrative të Mirdites janë të izoluara përshkak të rrugëve të shkatërruara.

Ky investim nuk mund të jetë prirotet për Mirditën. Sheshi ishte i investuar edhe më parë nga pushteti lokal. Ishte në një gjendje të mirë, por jo prioritet, duke parë gjendjen e mjerë të rrugëve që lidhin njësitë administrative. Sot të gjitha rrugët janë në një gjendje të mjerueshme, janë në gjendje katastrofë”, tha Deda.

Deputetja e Partisë Demokratike në Mirditë i ka bërë thirrje qeverisë që t’i kthejë sytë nga fshatrat e kësaj zone, pasi banoret janë në mëshirë të fatit nga mungesa e investimeve.