Morata humb gjithçka, ja sa do mungojë

Trajneri i Real Madridit, Zinedine Zidane ditën e sotme ka marrë një tjetër lajm të hidhur nga infermieria e cila ka konfirmuar se Alvaro Morata do të qëndrojë rreth 1 muaj larg fushave të blerta.

Në këtë mënyrë e sigurt është mungesa në derbi ndaj Atleticos dhe në ‘El Clasico’ kundër Barcelonës e cila do të luhet më 3 dhjetor, shkruan ‘Marca”, raporton Syri.net.

Një tjetër betejë të rëndësishme Morata do ta humbë edhe ndeshjen kundër Borussia Dortmundit e cila do të luhet më 7 dhjetor e vlefshme për Champions League.

Ky është një lajm shumë i keq ky për Real Madrid i cili gjatë kësaj periudhe nuk do të ketë as shërbimet e mesfushorit Toni Kroos të dëmtuar.

Kujtojmë që Alvaro Morata u dëmtua në kofshë në ndeshjen miqësore mes Anglisë dhe Spanjës, ndërsa kjo mungesë e rëndësishme vjen në një moment ku Karim Benzema nuk po kalon formë të mirë fizike.

Gjatë këtij sezoni Morata është aktivizuar 17 takime në të gjitha kompeticionet ku në total ka shënuar 8 gola.