Nëntori i 56-të i vrasjes së ‘Fluturave’

Më 25 nëntor të vitit 1960, tri motrat dhe aktivistet politike në Republikën Domenikane u rrahën për vdekje me urdhër të diktatorit, gjeneralit Rafael Trujillo, shkruan BBC sot në rubrikën “Witness”, cituar nga Syri.net. Vdekja e tyre shkaktoi një zemëratë të madhe, e cila çoi në vrasjen e vetë diktatorit gjashtë muaj më vonë.

Kur diktatori Trujillo i vrau motrat Patria, Minerva dhe Maria Teresa në vitin 1960, ai dhe miqtë e tij menduan se përfundimisht e mundën një kërcënim për pushtetin dhe egot e tyre.

Por historia dhe populli domenikan shfaqi një prirje të veçantë, ndonëse të vonuar, mënyrën për të marrë hak për vrasjen.

Anëtarë të brezit të Mirabals-ve sot janë Zv.President dhe Zv.Ministër të Jashtëm të vendit. Në të njëjtën kohë, kanë sjellë një ndryshim të dukshëm në klimën politike, duke realizuar transformimin që kërkonin “Fluturat”, ashtu siç motrat njiheshin në ditët e tyre të lëvizjes anti-Trujillo, një symbol i rezistencës si popullore ashtu edhe feministe.