Ngjarja tragjike në Babrru, Banorët: Fëmija ishte në gjumë, prindërit mblidhnin kanaçe

Pas ngjarjes tragjike të ndodhur mëngjesin e sotëm në Babrru, ku një fëmijë 2 vjeç humbi jetën si pasojë e një zjarri që përfshiu baraken ku jetonte, kanë folur fqinjët e tyre.

Sipas këtyre të fundit, 2 vjeçari ka qenë në gjumë në momentin kur barakja është përfshirë nga flakët. Ndërsa i vëllai i tij 4 vjeç ka mundur të shpëtojë pasi ndodhej jashtë.

Fqinjët thonë se prindërit e 2 vjeçarit jetonin në kushte shumë të vështira ekonomike në një barake dhe mbijetonin duke mbledhur kanaçe.

Ndërkohë nëna e 2-vjeçarit Suada Hamzo ka thënë se zjarrëfikësja u vonua 2 orë për të mbërritur dhe flakët shkrumbuan gjithçka.