Nikolic pret presion nga Brukseli për njohjen e Kosovës

Presidenti i Serbisë, Tomislav Nikolic, nuk përjashtoi mundësinë e presionit nga ndonjë institucion Evropian me qëllim të njohjes së Kosovës si shtet i pavarur nga Serbia.

“Me gjasë do të kemi një sulm të hapur për Kosovën nga institucionet evropiane me qëllim që kinse edhe ne të kuptojmë dhe pranojmë në njëfarë mënyre që është shtet”, ka thënë Nikolic në Galerinë e akademisë serbe të arteve dhe shkencës.

Nikolic e tha këtë duke u përgjigjur të pyetjen e gazetarëve në lidhje me bisedimet me përfaqësuesit e EULEX-it në Beograd, pas të cilave shefja e Misionit, Aleksandra Papadopulos, nuk ka dhënë pëlqimin për publikimin e një deklarate të përbashkët.

Nikolic tha, nga ana e tij, se biseda ishte e hapur, por ajo nuk ka thënë ndonjë gjë që nuk do të duhej, nga pikëpamja e europianizmit të saj, që të publikohet.

“Unë nuk e kuptoj pse ajo vuri embargo. Unë mendoj se në qoftë se flas me një përfaqësues të EULEX-it, mediat duhet të informohen. Unë mendoj se ajo ka treguar se si duket demokracia në organizata kur ata mendojnë se ndonjë e vërtetë nuk do t’i pëlqejë atyre qe këtë të vërtetë e lexojnë “, tha presidenti Nikolic.

“Nuk do të flisja fare me të nëse ajo do të thoshte se nuk do të publikojmë asgjë nga ato bisedime. E, megjithatë, në anën tjetër, gjithsesi që unë do të flas me përfaqësuesit e EULEX-it, edhe pse ata mburren që kanë reduktuar numrin e stafit dhe se më shumë se gjysma e të punësuarve në EULEX është nga Kosova”, tha Nikolic./GazetaExpress/.