‘Nxirre ku e ke’, si u kap ‘mat’ me pushkë në banesë 53-vjeçari (video)

Një aksion i beftë i policisë i ka zbuluar armë pa leje në banesë dhe poseduesi, një shtetas 53-vjeçar u prangos në flagrancë. Policia njofton se Specialistët e Seksionit për Hetimin e Krimit në Komisariatin e Policisë Nr.4, kanë arrestuar në flagrancë shtetasin R. Gura, 53 vjeç, banues në Tiranë.

“Mbi bazën e informacioneve të marra në rrugë operative se ky shtetas kishte banesë armë zjarri pa leje, shërbimet e policisë kanë ushtruar kontroll në banesën e tij, ku është gjetur dhe sekuestruar në cilësinë e provës materiale: -Një armë zjarri Pushkë, model 56”- njofton policia.

Materialet i kaluan Prokurorisë pranë Gjykatës së Shkallës së Parë Tiranë, për veprën penale “Prodhim dhe mbajtje pa leje të municioneve dhe armëve luftarake”, e parashikuar nga Neni 278 i Kodit Penal.