OKB e alarmuar me situatën në Alepo të Sirisë

I dërguari i OKB-së për Sirinë, Staffan de Mistura mbërriti sot në Damask për të biseduar me regjimin që vazhdon bombardimet e përgjakshme në lagjet rebele të Alepos, ku më shumë se 100 persona janë vrarë këtë javë.

Staffan de Mistura do të takohet me ministrin sirian të Punëve të Jashtme, Walid Mouallem.

OKB-ja u shpreh dje se ishte jashtëzakonisht e trishtuar dhe e tmerruar nga përshkallëzimi i fundit i dhunës në shumë rajone të Sirisë, transmeton atsh.

Kombet e Bashkuara i bënë gjithashtu thirrje “të gjitha palëve të ndërpresin sulmet ndaj civilëve dhe infrastrukturave civile”.