Pas mesazhit të ngrohtë për Fidel Castro, Putin vendos papritur mos të shkojë në varrimin e tij

Presidenti rus Vlladimir Putin nuk do të jetë prezent në varrimin e liderit kubanez Fidel Kastro ka thënë sot zëdhënësi i Kremlinit Dimitri Peskov.

Delegacionin  rus në Kubë sipas tij do ta përfaqësojë Vjaceslav Volodin,  bashkëpunëtori i ngushtë i Putinit.

Presidenti Putin i dërgoi një mesazh Presidentit kuban Raul Castro për vdekjen e vëllait te tij, liderit historik komunist të Kubës duke thënë se kujtimi i tij do të jetojë gjithnjë në zemrat e rusëve.

“Emri i këtij udhëheqësi të shquar është konsideruar me të drejtë simboli i një epoke të tërë në historinë e botës.

” Kuba lirë e pavarur të cilën ai dhe aleatët e tij, e ndërtuan me mund,  u bë një anëtare me ndikim në komunitetit ndërkombëtar dhe ishte një shembull frymëzues për shumë vende dhe popuj.

“Fidel Castro ishte një mik i vërtetë dhe besnik i Rusisë. Ai personalisht ka investuar një pjesë të madhe në themelimin dhe zhvillimin e marrëdhënieve,ruse-kubane,  bashkëpunim i ngushtë strategjik ky në të gjitha sferat.                                                                                          Ky njeri i fortë dhe i urtë gjithmonë shikonte nga e ardhmja me besim. Ai mishëronte idealet e larta të një politikani, qytetari dhe atdhetari, me të vërtetë i përulur para kauzës,  të cilën ai i kushtoi tërë jetën e tij. Kujtimi i tij do të jetojë gjithnjë në zemrat e rusëve”.