PD zhvillon homazhe, Basha: Ta kthejmë Shqipërinë vendin ku njerëzit duan të vijnë e jo të ikin

Partia Demokratike dhe opozita kanë bërë homazhe sot në 104 vjetorin e pavarësisë dhe 72 vjetorin e çlirimit të Shqipërisë.

Kreu i PD-së, Lulzim Basha, ish-kryeministri Sali Berisha dhe drejtues të tjetër të opozitës kanë zhvilluar homazhe paraditen e sotme tek monumenti “Nënë Shqipëri” tek varrezat e Dëshmorëve.

Ndërkaq kreu i PD-së, Lulzim Basha ka dhënë një deklaratë të shkurtër urimi për Pavarësinë dhe Çlirimin.

“Të gjithë bashkëatdhetarëve të gëzojnë Pavarësinë.

I uroj të gjithë shqiptarët për 28 Nëntorin. Të nderojmë sakrificën e dëshmorëve dhe së bashku ta kthejmë Shqipërinë në një vend ku shqiptarët të kthehen dhe jo të ikin”, u shpreh Basha në urimin e tij.

Image