Përplaset Balla dhe Paloka: Të zgjodhën kryetar grupi për të bërë sherre. Paloka: Lej Feni para teje duket djalë serioz

Deputeti i Partisë Socialiste, Taulant Balla nga foltorja e Kuvendit theksoi se me gjithë këtë zhurmë që po bën opozita në sallë po i bën më shumë reklamë ministrit Ilir Beqajt.

Ai theksoi se kryetari i grupit Parlamentar të PD-së, Edi Paloka është vendosur në këtë detyrë për të bërë vetëm sherr, ndërsa theksoi se ky është një tjetër rast si ai e deputetit Aldo Bumçi, që e quajti ‘kamikaz’.

“Për mënyrën se si e kundërshtoni ju dy folëset të fundit Beqajn, më shumë i bëni reklamë sesa për opozitë. Që kur PD ka nisur të shqetësohet për strukturat e PS në Tropojë? Shikoni strukturat tuaja. Sjelljet kamikaze të Aldos i përdori kryetari i grupit parlamentar. Pse? Sepse në momentin fundit salla e Kuvendit të Shqipërisë iu urua mirëseardhje e kryetares së komisionit Giku. Menjëherë nga rreshti i dytë u dha kushtrimi që ‘o burra të prishin seancën. I pari që respekton urdhrin për shkatërrim është kryetari i grupit parlamentar zgjedhur në këtë detyrë prej 2013 me arsye se di të bëjë sherr mirë. Incidenti në sytë e kryeares së politikës së jashtme franceze është një urdhër politik i mirë strukturuar”, tha Balla. Nga ana tjetër Balla ironizoi ish-kryeministrin Berisha, duke thënë se skandalet e tij janë shkruar në libra. Kjo e Beqajt nuk quhet skandal. Skandalet e tua Sali janë në libra, të cilët unë të sugjeroj që t’i të kërkosh përqindje. pasi ky libri po shitet shumë “Armët dhe çunat’ Sali, kërko përqindje në Neë York, flet për ty dhe djalin tënd Sali. Dua ti kujtoj Parlamentit vendimin e Saliut pak vite më parë që u dha mundësi drejtorëve, deputeteve që të privatizonin makinat e shtetit, Një touarekë për 8 mln. Unë nuk ble makinën e Jozefinës.

PALOKA-BALLËS: FJALIMIN TA DHA GATI RAMA
I menjëhershëm ka qenë reagimi i kryetarit të grupit parlamentar të PD, Edi Paloka, i cili theksoi se fjalimin e Ballës e kishte përgatitur Rama. “Nuk do i kujtoj se ça thoshte Nano për të se e kishte marrë afër. E dëgjuat se ça thoshte ai për kryetaren e komisionin. Lej Feni para teje duke djalë serioz. (Balles). Ne të sulmonin me Berishën me armë dhe artileri dhe të sulmonin integrimin. Por nuk janë fjalët e tij, por të këtij tjetrit (kryeministrit). Fjalimin ta dha ai gati. Unë s’po ju zbuloj disa gjera nga armiqtë e jashtëm. Po vinë miqtë për integrimin. Corriere Della Sera thotë se Shqipëria është sera më e madhe e drogës në Evropë. Dy faqe kundër integrimit ‘armiqtë’ e jashtëm.”, tha Paloka. /balkanweb/