Përplasje fatale mes dy trenave, 31 të vdekur dhe 70 të plagosur në Iran

Të paktën 31 persona janë vrarë dhe dhjetëra të tjerë u plagosën në një përplasje trenash në veri të Iranit, thotë “BBC” duke cituar zyrtarët vendorë.

Katër vagona dolën nga shinat dhe dy të tjerë morën flakë pasi një tren ekspres që transportonte udhëtarët mes dy qyteteve u godit nga një tjetër tren këtë të premte.

Aksidenti ka ndodhur në temperaturat nën zero, rreth 250 km në lindje të kryeqytetit, Teheran.

Katër nga viktimat kanë qenë punonjës të hekurudhës, thonë raportet e medias shtetërore.

“Janë identifikuar trupat e 31 të vdekurve dhe më shumë se 70 persona janë dërguar në spital”, tha guvernatori i shtetit, Mohammad Reza Khabbaz, për mediat lokale.

Shkaku i aksidentit është nën hetim.