Policia arreston personin që hoqi flamurin e Turqisë në Prizren

Policia e Kosovës bën me dije se pas një pune intensive, Sektori i hetimeve të stacionit policor në Prizren, ka arritur të identifikojë dhe të arrestojë të dyshuarin P.B i cili ka postuar në rrjetet sociale një incizim ku shihet një person duke heq flamurin turk nga një shtyllë ku ishte i vendosur në kuadër të shënimit të përvjetorit të Pavarësisë së Shqipërisë.

“Një i dyshuar e heq flamurin turk kurse dëgjohet një zë duke e përkrahur veprimin. Pasi që postimi është bërë nga i dyshuari në rrjetet sociale, i njëjti është sjell në stacion dhe nga ai është marrë një deklaratë ku ai e mohon që ta ketë hequr flamurin kurse e pranon postimin e bërë me telefonin e tij”, thotë Policia e Kosovës, raporton Koha.net.

Lidhur me rastin është njoftuar Prokurori Shtetit dhe në konsultim me të, i dyshuari P.B ndalet në ndalim policor për 48 orë.