Premier League shpall trajnerin më të mirë, mungojnë Mourinho dhe Guardiola

Premier League këtë sezon është një betejë e vërtetë për shumë trajnerë të mëdhenj të cilët janë pjesë e saj.

Antonio Conte është shpallur trajneri më i mirë i muajit tetor në Premier League pasi statistikat e tij janë të frikshme.

Gjatë 4 ndeshjeve Conte me Chelsean ka arritur të marrë 4 fitore ku janë shënuar njëmbëdhjetë gola dhe vetëm një i pësuar.

Tekniku italian ka lënë pas rivalin e tij të Liverpoolit, Jurgen Klopp, Arsen Wenger të Arsenalit dhe Mark Hughes të Stoke City.

Pas teknikut Conte edhe sulmuesi Eden Hazard është shpallur lojtari më i mirë i muajit me belgun që ka rifituar formën e tij më të mirë. Gjatë këtij muaji Hazard ka arritur të shënojë tre gola dhe shërbyer një asist.

Listës së trajnerëve më të mirë të muajit që lamë pas i mungojnë emra të mëdhenj si Mourinho dhe Guardiola të cilët momentalisht janë duke kaluar një periudhë të vështirë.