Presidencialet në Francë, Francois Fillon fiton primaret brenda republikanëve

Francois Fillon ka fituar bindshëm ndaj Alain Juppe në zgjedhjet paraprake që zhvillonen brenda republikanëve në Francë.

Nga rezultatet e para, Fillon udhëheq me 68.6% të votave kundrejt Juppe i cili ka marrë 31.4% të votave.

Fillon dhe Juppe janë në garë brenda partisë republikane se cili prej tyre do të dalë që të jetë kandidati për zgjedhjet Presidenciale në Francë që do të zhvillohen pranverën e 2017.

Duket se ish-Kryeministri francez Francois Fillon do të jetë kandidati i republikanëve për Presidencialet dhe nga numërimi paraprak është në rrugë të mbarë. 62-vjeçari fitoi mbështetje të gjerë pasi shkruajti një libër mbi rreziqet e totalitarizmit islamik duke iu referuar sulmeve terroriste në Francë.