Princi rebel i Arabisë Saudite i del në mbrojte femrave: Ka ardhur koha t’i japin makinës

Një princ miliarder i Arabisë Saudite ka kërkuar t’i jepet fund “urgjentisht” rregullit absurd që ua ndalon femrave t’i japin makinës.

Princi Alualeed Talal ka thënë se ndryshimi i këtij ligji është jo vetëm nje çështje e rëndësishme që ka të bëjë me të drejtat e grave por është edhe një nevojë ekonomike.

“Ndaloni debatin: është koha që gratë t’i japin makinës”, ka ai shkruar në profilin e tij zyrtar në Twitter.

Alealeed është një nga anëtarët rebel të familjes mbretërore saudite që bën shpesh deklarata të tilla Ai nuk ka ndonjë post politik, por drejton një kompani vendase që lidhet edhe me interesat ekonomike perëndimore si banka amerikane, “Citigroup” dhe parku i famshmë i “Disney”.

Ai konsiderohet prej kohësh si “avokat” i të drejtave të grave në mbretërinë saudite, vend ky që ka disa prej ligjeve më strikte në raport me gratë.