Protesta për plehrat: pas 12 banorëve të Mbyetit, vihen nën akuzë edhe 6 nga Mbrostari

Shkon në 18 numri i banorëve të akuzuar nga policia e Fierit për protestë të paligjshme kundër impiantit të riciklimit të mbeturinave.

Policia e Fierit njoftoi sot se ka proceduar penalisht edhe 6 banorë të fshatit Mbrostar Ura, pasi 3 javë më procedoi 12 banorë nga fshati Mbyet.

Si edhe për rastin e parë, akuza është e njejtë: “Organizim dhe pjesëmarrje në grumbullime e manifestime të paligjshme” dhe “Pengim i qarkullimit të mjeteve të transportit” parashikuar nga Nenet 262/2 dhe 293 të Kodit Penal.

Të proceduarit penalisht janë nga 17 deri në 66 vjeç:

1. A.G, 51 vjeç,

2. U.K, 25 vjeç,

3. Z.D, 66 vjeç,

4. E.D, 28 vjeç,

5. E.F, 34 vjeç,

6. G.M, 17 vjeç, të gjashtë banues në fshatin Mbrostar Ura, Fier.

Sipas Policisë së Fierit, “këta shtetas më datën 17.11.2016, ora 10:30, në aksin rrugor Lushnjë-Fier, në vëndin e quajtur “Mbrostar Ura”, në bashkëpunim me shtetas të tjerë, kanë marrë pjesë në një grumbullim të paligjshëm duke penguar qarkullimin e mjeteve të transportit në rrugë nacionale.

Materialet i kaluan Prokurorisë pranë Gjykatës së Shkallës së Parë Fier për 2 vepra penale.