Psikologjia e meshkujve/ Si t’i zbuloni sekretet e fshehta të partnerit

Njohja e psikologjisë mashkullore ndoshta është një ndër gjërat më misterioze që femrat dëshirojnë ta dinë. Meshkujt thonë që femrat është e vështirë t’i kuptosh, ndoshta shprehja është me vend.

Mirëpo, është fakt që edhe meshkujt ndonjëherë është e vështirë t’i deshifrosh. Mbase do t’ju ndihmojnë këshillat në vijim.

Ofroni përkrahje

Gjëja kryesore në psikologjinë e mashkullit është nevoja e tij që të mos i lëndohet egoja. Mashkulli dëshiron të dijë që po i bën punët mirë dhe që ka përkrahjen tuaj. Nuk ka nevojë ta teproni, mirëpo nëse i bëni komplimente herë pas herë nuk do të ishte keq.

Zbuloni se cili është shkaku i motivimit

Me ç’ka kënaqet mashkulli juaj? A i adhuron veturat sportive? Sa është i rëndësishëm futbolli në jetën e tij? A është gjahtar i flaktë? Mësoni gjërat e vogla për mashkullin tuaj, siç ajo çfarë i pëlqen dhe çfarë jo. Nëse tregoni interesim për aktivitetet e tij, do ta ndihmoni që të jetë i hapur me ju dhe do t’ju lejojë që të hyni në psikologjinë e tij.

Kuptojeni se edhe meshkujt kanë emocione

Bëjani me dije që është në rregull të jetë i pikëlluar dhe i shqetësuar. Pos kësaj, është me rëndësi edhe që ta dini që një numër i madh meshkujsh shfaq pikëllimin nëpërmjet frustrimit apo hidhërimit, sepse përpiqen që në të gjitha situatat të duken sa më shumë “macho”.

Tregoni mirëkuptim

Kuptojeni këtë pjesë të psikologjisë së mashkullit: Ata nuk dinë gjithmonë se si ta thonë atë që mendojnë apo e ndiejnë.

Bëhuni të sinqerta

Nëse dëshironi që ai të jetë i sinqertë me ju, atëherë është e nevojshme që edhe ju të jeni e sinqertë me të. Sinqeriteti është gjë shumë e rëndësishme për çdo çift. Sinqeriteti mund të çojë në lidhje më të thellë, e më të kënaqshme. Mungesa e sinqeritetit është shumë shpesh njëri ndër shkaqet kryesore të prishjes së raporteve ndërmjet çifteve.