Rama-Berishës: Hajde inagurojmë bashkë bunkerin, je Ati i gjallë i diktaturës

Edi Rama e ka marrë fjalën pas Sali Berishës në sallën e parlamentit dhe në replikë me të u shpreh se “më hoqe mallin e filmit Lulëkuqet mbi mure, ti je lulëkuqja e fundit e varur në mur”.

Gjatë fjalës së tij Rama i cilësoi si akuza deklaratat e Berishës për blerjen e makinave qeveritare, duke thënë se janë dhuratë e qeverisë japoneze.

Më tej, kryeministri tha se të shtunën inaugurohet bunkeri (instalacion) tek Ministria e Brendshme dhe ftoi Berishën të merrte pjesë duke e cilësuar pjesë e diktaturës.

“Të shtunën inaugurojmë bunkerin, Sali je i ftuar. Në atë bunker janë edhe shenjat që ke lënë ti. Bëhu burrë dhe hajde të shtunën. Ne bijtë e etërve? Ti je Ati i gjallë”, tha Rama.