Rama – Berishës: Unë refuzoj që ju të hapni dosjet e baballarëve tanë

Kryeministri Edi Rama ka deklaruar shkoqur në Kuvend se refuzon që opozita të kontrollojë dosjet e Sigurimit të Shtetit në kohën kur është diskutuar projektvendimi për ngritjen e Autoritetit që do të merret me hapjen e Dosjeve.

Rama tha: “Refuzojmë të konsiderojmë një kandidaturë tuajën për atë proces, pasi nuk keni asnjë lidhje me atë shtresë, pasi jeni peng i asaj historie, ndërkohë që për ne, çështja e tyre nuk është elektorale. Nuk po i hapim dosjet për të marrë vota. 20 milionë dollarë të persekutuarve, jo për të marrë votat, por se pas viteve të qeverisjes suaj, shumë prej tyre nuk kishin marë asnjë këst.”