Rama poston ‘foto dite’ në vreshtë, PD: Pushime luksi në Milano

Kryeministri Edi Rama po kalon fundjavën në Milano bashkë me mikun e tij, njëherësh kryetar Bashkie i Durrësit, Vangjush Dako (me bashkëshortet).

PD ka akuzuar se Rama bën pushime me milionat që u ka zhvatur njerëzve. Nga ana tjetër kryeministri Edi Rama ka zgjedhur ti përgjigjet PD me këtë foto të postuar në facebook. Eshtë një foto ku ai ka dalë me shpinë në një vresht…pa treguar se ku ndodhet.

“Harliset me Gjushin në Milano duke u kthyer shpinën shqiptarëve që i ka varfëruar, i ka lënë pa punë, i ka zhytur në drogë e krim, i ka dëshpëruar deri aty sa mendojnë vetëm si të ikin nga ky vend. Me Gjushin në Milano, lideri ballkanik dhe botëror, kalon edhe “hidhërimin” që i shkaktoi jo-ja gjermane për hapjen e negociatave për antarësimin në BE”, tha Arben Ristani në një reagim për mediat.

Nga ana tjetër komentuesit në rrjetet sociale i kujtojmë Ramës të merret me punën e “call center”-rave që po mbyll Italia në vendin tonë, dhe ku rrezikojnë të mbeten pa punë me mijëra të rinj.

rama