Raporte tragjike,75 të vdekur pasi aeroplani që transportonte ekipin brazilian përplaset në Kolumbi

Të dhëna të tjera raportohen për rrëzimin tragjik të avionit me 81 pasagjerë, duke përfshirë edhe një ekip të lartë futbolli brazilian, në qytetin e Medellin në Kolumbi.

Drejtori i Përgjithshëm i policisë kolumbiane,  José Acevedo Ossa ka thënë se 75 njerëz mendohet se kanë vdekur në aksident dhe se vetëm gjashtë kanë mbijetuar. Ai shtoi se kërkimi është pezulluar momentalisht për shkak të kushteve të këqia atmosferike por edhe sepse nuk ka shumë shpresa për të mbijetuar.

Një zyrtar i aviacionit civil tha gjithashtu se një numri të lartë i viktimave nga aksidenti tragjik i mëngjesit të sotëm është “pamohueshëm”, dhe ka rikonfirmuar se deri tani janë gjetur pa jetë trupat e 25 personave dhe gjashtë të mbijetuarve, shkruan “RT”.

Avioni fluturonte nga Bolivia dhe mësohet se në mesin e pasagjerëve ishin anëtarët e ekipit brazilian të futbollit “Chapecoense”, të cilët ditën e sotme do të luanin në finalen  e kupës së Amerikës Jugore kundër ekipit Medellin Atletico Nacional.

Raportet sugjerojnë se të paktën dy anëtarë të ekipit, Alan ruschel dhe Danilo mund të ketë mbijetuar.

“Zoti qoftë  me atletët tanë, zyrtarët, gazetarët dhe të ftuarit e tjerë që udhëtonin me delegacionin tonë”, thanë një deklaratë të shkurtër përfaqësues nga Chapecoense”

Avioni i cili mbante 72 pasagjerë dhe nëntë persona nga ekuipazhit, u rrëzua në Cerro Gordo në komunën e La Union pak para mesnatës sipas kohës lokale (05:00 GMT).

Sipas një njoftimi për shtyp nga aeroporti vendas, shkaqet fillestare të aksidentit tragjik mendohen të kenë qenë probleme elektrike ose mungesa e karburantit.

Por disa orë më vonë,raportet nga mediat e huaja, kryesisht “CNN” dhe “The Independent”, flisnin për një turbulencë të fortë dhe kushte të rënduara atsmosferike duke theksuar se 12 orët e fundit në rajon kishte pasur reshje të papara shiu.

Nga ana tjetër, Kryetari i bashkise se  Medelinit, Federico Gutierrez tha se është e mundur që të mos të  ketë shumë të mbijetuar.

“Kjo është një tragjedi me përmasa të mëdha”, tha Gutierrez për radion ”Blu” në rrugën drejt vendit të ngjarjes, në një zonë malore jashtë qytetit, ku avioni besohet të jetë rrëzuar pak para mesnatës sipas kohës lokale.

Ai gjithashtu tha se ambulanca dhe ekipet e shpëtimit janë në  gadishmëri të plotë./