Reagon Basha: Shqiptarët i kthyen makinat me gaz, Rama vendos 430 mln dollarë taksa për miqtë e tij

Me një deklaratë për median, kreu i ?Partisë Demokratike Lulzim Basha u shpreh se, është kundër buxhetit të vitit të ardhshëm.

Gjatë fjalës së tij, Bashës, vuri theksin edhe tek rritja e akcizës së gazit. Për kreun e demokratëve, kjo rritje e taksave do të fusë në xhepin e Ramës plot 430 milionë dollarë.

“Është buxheti që i merr shumicës dhe u jep pakicës. Do rriten taksat duke i çuar ato në 430 mln dollarë në vit. Rama tre vite më parë erdhi në pushtet se do ulte taksa tani u mori 1.5 mln dollarë më shumë shqiptarëve duke rritur taksat. Është rritur taksa e gazit sepse shqiptarët po konvertojnë makinat e tyre, ndërsa ky do të mbrojë klientët e tij duke detyruar qytetarët.

E gjithë rritja e taksave bëhet për të rënduar xhepat e qytetarëve. Edhe këtë vit 80 mijë dollar ia ka dhënë vetes së tij. Për pagat dhe pensionet ka premtuar t’i rrisë nga Prilli para se të marr ndëshkimet popullore me votë. Po sa po i rrit? Pagat dhe pensionet nuk rriten me dekret qeverie, por i rrit ekonomia.

Në fund të qeverisjes së tij njerëzit paguajnë më shumë taksa dhe blejnë më pak se të ardhurat që kanë” u shpreh kreu i PD-së në një deklaratë për median tek selia blu.