Robert Berisha i propozon publikisht duet Linda Morinës

Muzikanti dhe tashmë këngëtari, Robert Berisha, ka thënë se do të kishte bërë duet me Linda Morinën.

Ai ka hedhur poshtë ato që gjoja ai i ka thënë për Lindën, duke shtuar se nuk ka asgjë kundër saj dhe se do të kishte bërë duet me të.

Ai publikisht i propozoi Linda Morinës duet, por me një kusht që të paguaj ajo, pasi siç tha ai duke qeshur, se Linda është duke shkuar nëpër koncerte dhe ka para.

Në ”1Kafe me Labin’’ këngëtari tregoi se bashkëshortja e tij, Nora Istrefi, dhe këngëtarja nga Maqedonia, Altuna Sejdiu – Tuna, kurrë nuk i kanë pasur raportet e këqija, duke shtuar se Nora dhe Tuna kanë qenë edhe shoqe shumë të mira.

Projektin e fundit të cilin e realizoi Roberti ishte ‘’Qysh pe lojna’’, të cilës edhe ia ka realizuar videoklip.

Image