Ronaldo te Bajerni i Mynihut? Xabi Alonso ka një premtim

Mesfushori i Bajernit të Mynihut, Xabi Alonso i uron mirëseardhjen Cristiano Ronaldos në ‘Allianz Arena” duke garantuar se portugezi gjatë një sezoni do të shënojë 50 gola.

Në një intervistë për “Onda Cero”, spanjolli ka nënvizuar se kampionët e Gjermanisë kanë nevojë për një lojtar si Ronaldo, shkruan Syri.net.

“Cristiano nuk është një sulmues qendror, por ai dëshiron të luajë më afër zonës. Ai ka intuitë se ku do të shkojë topi, shumë gola janë shënuar me prekjen e parë. Për sa kohë që ai shënon nga 50 gola, do të doja të kishim dikë si ai këtu te skuadra e Bajernit të Mynihut. Shifrat e Cristiano janë të mahnitshme, dhe të frikshme”, u shpreh Alonso, shkruan “Goal.com”.
Kujtojmë që prej 5 vitesh Alonso dhe Ronaldo kanë luajtur së bashku te skuadra e Real Madridit.