I rrëmben me forcë varsen nga qafa të moshuarit italian, pranga 23-vjeçarit shqiptar

ANKONA- Një 23-vjeçar shqiptar ka përfunduar në pranga, pasi i rrëmbeu zinxhirin nga qafa një të moshuari italian. Ngjarja në fjalë ndodhi në nënkalimin për këmbësorët në Porta Ankona.

“Ansa.it” shkruan se i riu, identiteti i të cilit nuk dihet ende, si fillim e ka sulmuar viktimën dhe pasi i ka marrë me forcë nga qafa varsen, e ka rrëzuar atë përtokë. Pavarësisht se shqiptari iku me vrap nga vendngjarja, ai u arrestua pas denoncimit të të moshuarit, i cili dha dhe përshkrimin e të riut.

Mësohet se në xhepin e xhaketës së 23-vjeçarit u gjet edhe vrasja që i kishte grabitur italianit. Sakaq, vijojnë hetimet nëse shqiptari ka kryer vjedhje të tjera apo jo.