Sekretet e largimit të Briseidës së Tatimeve

Çfarë po ndodh me largimin e Briseida Shehaj nga posti i zëvendësministres? Mbrëmë Lapsi.al ka mësuar se me një vendim të kreut të qeverisë, Shehaj është shkarkuar nga kjo detyrë. Më pas u dha një tjetër version sikur “vajza që donte të sakrifikonte që të bënte shtet” dha dorëheqjen.

Por misteri u shtua edhe më shumë sot në parlament. Deputeti Astrit Patozi u ngrit dhe pyeti ministrin e Financave, Ahmetaj për të vërtetën e largimit të Shehaj. Por Ahmetaj foli me shifra, fakte, për ekonominë por megjithëse u ngrit vetëm për ti’u përgjigjur Patozit nuk tha asnjë fjalë për atë që ka ndodhur me Briseidën, që u bë e famshme jo vetëm tek tatimet, por edhe me rolin e saj tek Portokallia.
Fiks dy muaj më parë, me një vendim të Kryeministrit Edi Rama ajo la detyrën e rëndësishme të Drejtoreshës së Përgjithshme të Tatimeve për të marrë zyrën e zv.ministres së Ekonomisë. Por sot Brisida Shehaj është zyrtarisht pa punë ashtu sikurse edhe shumë nga yjet femra që Rilindja i dhuroi administratës shqiptare.
Me sa duket largimi i Shehajt i jep fund eksperimentit të kryeministrit Rama që emëroi në poste të rëndësishme qeveritare vajza të reja dhe beqare që sipas tij ishin më efektive në detyrë. Përpara ish drejtoreshës së Tatimeve, u larguan Elisa Spiropali nga Doganat, apo dhe Luneda Sufali nga drejtoria e mbikëqyrjes së Lojërave të Fatit. (Lapsi.al)