Shantazh me videon seksi ish-të dashurës, i riu: Do ju pres fytin. Ja përgjimi

Një vajzë e re ka rënë pre e presioneve nga ish-i dashuri i saj, i cili e ka shantazhuar me video dhe foto intime, nëse ajo do t’i jepte fund marrëdhënies së tyre.

Vajza kishte 8 muaj lidhje dashurie me Tomas Beka dhe gjatë kësaj kohe ajo ka kryer marrëdhënie seksuale me të, çaste këto, që janë filmuar dhe fotografuar nga ish-i dashuri i saj, Tomas Beka.

Kjo lidhje intime ishte zbuluar pikasur nga nëna e vajzës, me inicialet E. M., e cila i ka kërkuar të bijës që të ndërpriste këtë lidhje, pasi ai djalë nuk ishte mashkulli ideal për të. Ndërprerja e lidhjes në mënyrë të menjëhershme ka sjellë irritimin e Bekajt, i cili ka filluar të përndjekë nënë e bijë, duke i kërcënuar me jetë dhe shantazhuar, ndërsa në dy raste ka keqtrajtuar dy shokët e klasës së vajzës, me të cilën ai ka pasur marrëdhënie.

Pas presionit dhe kërcënimit me telefon me shprehjet “…do t’ju pres fytin, do dergjeni në birucë, do t’ju vras etj.”, vajza me inicialet A. M., është mbyllur në banesë nga frika.

Ndërkohë që shantazhet kanë vijuar ndaj nënës së saj, e cila është detyruar të kallëzojë në polici Tomas Bekën. Ky i fundit pak ditë më parë është deklaruar fajtor nga gjykata e Tiranës, duke u dënuar me 7 muaj e 20 ditë burgim për akuzën e “Përndjekjes”.

Gjatë muajit dhjetor 2015 e në vazhdim, gruaja E. M., ka deklaruar gjithashtu se i pandehuri Tomas Beka e ndiqte nga prapa, në rrugë, në ambiente dhe lokale ku futej ajo. Në lidhje me këtë përndjekje, gruaja E. M., ka deklaruar:

“…Unë hyja në dyqan, ai vinte në dyqan dhe më shikonte me shikim provokues, unë ecja me vajzën në lagje, ai më ndiqte nga pas, më dilte përpara. Këto veprime të tij më krijonin një gjendje frike dhe ankthi të paparë, pasi prej këtij personi pret gjithçka.

Pas kësaj periudhe përndjekjeje fizike, ai filloi më pas të më shqetësonte, fyente e kërcënonte me SMA në telefon”. Shtetësja E.M ka deklaruar se, pavarësisht marrdhënieve që ky person ka pasur apo ka përsëri me vajzën e saj, sjellja e tij, veprimet e tij, telefonatat e tij i kanë krijuar një gjendje terrorizuese në familje.

“…Krahas presionit dhe kërcënimit me telefon me shprehjen ‘…do t’ju pres fytin, do dergjeni në birucë, do t’ju vras, etj.”, Tomasi më ka bërë presion edhe me publikimin në internet të disa fotografive intime që kemi bërë me të, kur marrëdhënia e jonë ishte normale, pasi ai disponon dhe dy video disaminutëshe. Ky fakt më ka vënë përpara një frike dhe dileme që ka bërë të mos jem e prerë në marrjen e vendimit për t’u shkëputur me të përfundimisht, pasi kisha gjithmonë frikën e publikimit të këtyre fotove e videove prej tij. Ai ka dhënë prova që mund ta bëjë një gjë të tillë, pasi ia ka dërguar mamit tim si fotot, edhe videot e marrëdhënies sonë intime. Ky është dhe shkaku pse unë jam detyruar t’u përgjigjem telefonatave të tij, SMA-ve dhe kërkesës për takime me të”, ka thënë vajza. /Shqiptarja.com